rigoN dhe BIG ndajn rruget
Rifleri zviceran me origjin Shqiptare do të bëhet lojtar i lirë nga data 1 janar 2025.
BIG ka njoftuar largimin e Rigon “rigoN” Gashi, i cili do të lirohet nga kontrata pas 6 muajve në skuadër.
Koha e rigoN me BIG ishte sfiduese, pasi ish-lojtari i Bad News Eagles dhe ekipi gjerman tentuan të përshtatnin stile dhe nevoja të ndryshme. “Ai është një lojtar me stil shumë agresiv, dhe ne nuk e kemi domosdoshmërisht nevojë për këtë, por ndonjëherë ai sjell atë ‘pikantësinë’,” tha Johannes “tabseN” Wodarz për HLTV.
Pas disa muajsh, gjatë RMR në Shanghai, Jon “JDC” de Castro tha se rigoN “po bën maksimumin për t’u përshtatur në sistem, ndërsa ne po bëjmë maksimumin për të aktivizuar ‘çmendurinë’ e tij.” Në fund, bashkëpunimi nuk rezultoi i suksesshëm.
Pavarësisht vështirësive, BIG arriti në top 16 në Major-in e Shanghai-t, duke mposhtur Passion UA, Virtus.pro, dhe Complexity, por u eliminuan nga HEROIC, G2, dhe paiN.
Jashtë Major-it, performanca e BIG ishte e dobët gjatë gjysmës së dytë të vitit 2024, duke u eliminuar në fazat e grupeve ose play-in në të gjitha Eventet e Mëdha. Ata arritën finalen në turneun më të vogël ESL Challenger Atlanta, por humbën ndaj FlyQuest në përballjen përfundimtare.
“Pas një udhëtimi intensiv dhe të paharrueshëm, është koha të them lamtumirë,” shkroi rigoN në platformen X. “Kjo periudhë ka qenë plot ngritje dhe ulje që më kanë formësuar jo vetëm si lojtar, por edhe si person.
“Së bashku dhamë gjithçka nga vetja, por fatkeqësisht, gjërat nuk funksionuan siç kisha parashikuar. Jam mirënjohës për momentet e pabesueshme, mbështetjen nga ekipi dhe fansat, dhe mundësinë për të qenë pjesë e kësaj aventure.
“Udhëtimi im vazhdon dhe është fillimi i diçkaje më të madhe. Do të kthehem më i mirë, më i mprehtë dhe i gatshëm për të treguar atë që jam vërtet i aftë.”
Parting ways with BIG / Free Agent starting 1. January 2025
After an intense and unforgettable journey, its time for me to say goodbye. This chapter has been filled with ups and downs that have shaped me not only as a player but also as a person.
Together we gave it our all,… https://t.co/ph2huUEhp8
— rigoN (@rigoNcs) December 20, 2024
