SENER1 me Ekip të Ri ?

Ish-lojtari i njohur i Bad News Eagles, SENER1, ka ngjall spekulime në komunitetin e Counter-Strike 2 (CS2) pas një postimi të tij të fundit në Twitter ku ka hedhur një emote “👀”. Ky status ka lënë të kuptohet se diçka e re pritet nga ai, duke krijuar thashetheme rreth hapave të tij të ardhshëm në skenën e esports.

👀

— SENER1 (@SENER1CSGO) October 15, 2024

Një nga spekulimet më të mëdha që po qarkullojnë është se SENER1 mund të bëhet pjesë e ekipit të DRILLAS, një skuadër e re që po shfaq suksese në skenën e CS2. Këto spekulime u shtuan edhe më shumë pasi disa ditë më parë ai luajti një ndeshje bashkë me ekipin e DRILLAS ku performanca e tij ishte e jashtëzakonshme. Paraqitja e tij në atë ndeshje ka tërhequr vëmendjen e fansave, duke u bërë shkak për diskutime të shumta mbi mundësinë që ai të jetë lojtari më i ri i skuadrës.

@SENER1CSGO clutch 1v4#CS2AL #Shqip #Albania #Kosovo #bNE 🇽🇰 🇦🇱 pic.twitter.com/8jDQeAOwFY

— WWW.CS2.AL (@cs2dotal) October 12, 2024

Megjithatë, thashethemet nuk përfundojnë këtu. Zëra të tjerë thonë se SENER1, së bashku me bashkëlojtarin e tij të njohur gxx dhe disa lojtarë të tjerë shqiptarë, mund të krijojnë një ekip të ri dhe të formojnë një formacion të fuqishëm shqiptar në skenën e CS2. Kjo do të ishte një zhvillim shumë i rëndësishëm për skenën shqiptare të esportit, pasi do të sillte një ekip të ri konkurrent në nivel ndërkombëtar.

Ende nuk ka asgjë të konfirmuar zyrtarisht nga SENER1 apo nga ekipi përfolur, por postimi i tij në Twitter ka zgjuar interesin e fansave dhe është vetëm çështje kohe derisa të zbulohet lëvizja e tij e ardhshme. Me një performancë të tillë dhe me statusin e tij në Twitter, pritet që SENER1 të na befasojë së shpejti me një njoftim të madh.

Ndërkohë, komuniteti Shqiptar i CS2 mbetet ti përcjell statuset e tij në rrjetet sociale, duke pritur për lajme të reja nga një prej lojtarëve më të mirë shqiptarë në këtë sport.